ORAL. 16 maýsym. Batys Qazaqstan oblysynyń Zelenov aýdandyq soty tapa tal túste pnevmatıkalyq qarýmen kóshedegi mysyqty atqan azamatqa aıyppul saldy. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady.
Oqıǵa atalǵan aýdannyń Trenkıno aýylynda bolǵan. Kósheniń qaq ortasynda mysyqty úsh ret atqan azamat endi 19 820 teńge kóleminde aıyppul tóleıtin boldy.
Oblystyq sottyń baspasóz qyzmeti taratqan derekterge súıensek, Batys Qazaqstan oblysy, Zelenov aýdany №2 sotynyń qaýlysymen quqyq buzýshy Álıǵazıev Ákimshilik quqyq buzý týraly kodekstiń 436-baby, 1-tarmaǵy (Eldi mekende, tıisti orynnan tys jerde pnevmatıkalyq qarýmen atý) boıynsha jazalanǵan. Soǵan sáıkes, oǵan 10 aılyq eseptik kórsetkish mólsherinde, ıaǵnı, 19 820 teńge aıyppul salynyp otyr. Al travmatıkalyq tapanshasyn tıisti oryndar tárkiledi.
Temir Qusaıyn.
Derek: egemen.kz.
Sýret: uralskweek.kz.