ASTANA. 16 maýsym. Japon meteorologtary Asama janartaýynan kúl atqylaǵanyn anyqtady. Atalǵan janartaý Tokıo qalasynan 140 shaqyrym qashyqtyqta Gýmma men Nagano eldi mekenderiniń shekarasynda ornalasqan. Bul týraly RIA «Novostı» habarlady.
Meteorolog mamandardyń málimetterine qaraǵanda, kúl janartaý kraterinen 4 shaqyrym jerden tabylǵan. Qazirgi tańda bul aımaqta 5 baldyq júıe boıynsha ekinshi qaýiptilik deńgeıi saqtalyp tur. Qaýiptiń bul deńgeıi kraterge 2 shaqyrymnan ary jaqyndamaýdy qatań eskertedi.
Kıodo aqparat agenttigi taratqan derekterge súıensek, janartaýdan kúldiń atqylaýy áýe habaryn taratýǵa kedergi keltirmegen. Japondyq iri áýe tasymaldaýshy Japan Airlines (JAL) jáne All Nippon Airways (ANA) baǵyttary esh ózgerizsiz jumys istegen. Bul oqıǵaǵa qatysty ázirge basqa eshqandaı aqparat taratylǵan joq.
Asama Japonııadaǵy belsendi janartaýlardyń biri. 2009 jyldyń aqpan aıynda atqylaǵan lavanyń saldarynan Tokıony tutastaı kúl basyp qalǵan bolatyn. Mamandar bul joly da sondaı qaýiptiń bar ekenin aıtýda.
Aınur Qońqabaeva.
Derek: RIA «Novostı».
Sýret: etoday.ru.