Respýblıka kúni merekesine oraı Memlekettik Tý kóterý patrıottyq aksııasy ótip, is-shara barlyq aýdan-qalalardy qamtydy. Bir ǵana oblys ortalyǵyndaǵy aksııaǵa myńǵa jýyq adam qatysty, dep jazady Egemen.kz.
Taldyqorǵanda «Jastar» saıabaǵyndaǵy Tý tuǵyry aldynda ótken saltanatty is-sharaǵa oblys ákimi Beıbit Isabaev, zııaly qaýym ókilderi, memlekettik qyzmetshiler, depýtattar, óńirdegi mekeme-uıymdardyń, áskerı salanyń, quqyq qorǵaý organdarynyń qyzmetkerleri, belsendi jastar, úkimettik emes uıymdardyń ókilderi, qala turǵyndary, jalpy sany myńǵa jýyq adam qatysty.
Patrıottyq aksııa Memlekettik Týdy saltanatty túrde kókke kóterýden bastaldy. D. Raqyshev atyndaǵy oblystyq fılarmonııanyń jáne «Taldyqorǵan áýenderi» folklorly-etnografııalyq ansambli ánshileriniń, áskerı qyzmetkerlerdiń, mektep oqýshylarynyń, jalpy qatysýshylardyń hory áskerı orkestrdiń súıemeldeýimen Memlekettik Gımndi jandy daýysta oryndady.Saltanatty jıynda patrıottyq ánder oryndaldy.
Atap ótsek, osyndaı patrıottyq aksııalar búgin bir mezgilde oblystyń barlyq aýdan-qalalarynda ótkizildi.