Búginde «Assambleıa jastary» uıymy el jastarynyń ózindik tulǵasyn qalyptastyratyn, olardyń jarqyn bastamalaryn júzege asyrýǵa jol ashatyn taptyrmas alańǵa aınaldy, dep jazady Egemen.kz.
Jas býyndy memleket birligin kúzetýge, qoǵamdyq kelisimdi saqtaýdaǵy qundylyqtardy ıgerýge úndeı otyryp, jańa múmkindikter satysyna jetelep kelemiz. Bilim alýǵa jáne eńbek etýge qurmetpen qaraý qaǵıdattaryn olardyń boıynan kórýge árkez talpynamyz.
Memleket basshysy Qazaqstan halqy Assambleıasynyń Jastar bastamalaryn damytý máselelerine QHA-nyń XXXIII sessııasy aıasynda basa nazar aýdaryp, jastar men volonterlik jobalardy qoldaýdyń mańyzdylyǵyn atap ótken edi. Sessııa nátıjesi boıynsha Assambleıanyń jastar áleýetin damytýǵa baǵyttalǵan «Jańa tolqyn» jobasy quryldy. Atalǵan joba negizinde Qazaqstan halqy Assambleıasynyń zamanaýı kelbetin qalyptastyrýǵa, etnomádenı birlestikter kóshbasshylarynyń kadrlyq rezervin keńeıtýge jol ashatyn bastamalar iske asyrylyp jatyr.
Bizdiń uıym «Qazaqstan halqy Assambleıasy Kóshbasshylar mektebi» bastamasy aıasynda kóptegen is-sharalar ótkizedi. Qazirgi ýaqytta bul jobanyń aımaqtyq kezeńi kórinis tabýda. Belsendi jastarymyz eldiń ár óńirlerinde, sonyń ishinde aýyl-aımaq jastary úshin trenıngter jáne motıvasııalyq kezdesýler uıymdastyrady. Ásirese Almaty, Jambyl, Jetisý jáne Túrkistan oblystarynda etnostar jıi shoǵyrlanǵan jerlerde jumys isteýge kóp kóńil bólindi. Jalpy, búginde medıasııa, etnosaralyq kommýnıkasııa boıynsha daǵdylardy 25 myńnan astam adamǵa úıretip úlgerdik. Jastardyń zamanaýı bilimge qol jetkizýi jolynda básekege qabiletti bilik-daǵdy meńgerte aldyq.
Sonymen qosa, volonterler baǵyty qarqyndy damyp keledi. Máselen, «Assambleıa jastary» komandasy Batys Qazaqstan oblysynda «Mektepke jol» atty aýqymdy aksııa ótkizdi. Sý tasqyny kezinde zardap shekken otbasylardan shyqqan 350 balaǵa jańa oqý jyly qarsańynda Freedom Holding Corp qyzmetkerleriniń demeýshiligimen noýtbýkter men mektep jıyntyqtary tartý etildi. Sondaı-aq, ózge de ózektiligi joǵary bastamalar «Taza Qazaqstan» aksııasy aıasynda júzege asyrylyp jatyr. Assambleıa eriktileri aǵash otyrǵyzýǵa, jaǵalaý aımaqtary men tarıhı nysandardy tazartýǵa belsendi qatysady.
Etnosaralyq qarym-qatynas tili retinde memlekettik til mártebesin kóterý mańyzdy baǵyt sanalatyny barshaǵa belgili. «Úıde sóıle» aýla klýbtary, qazaq tilin úırenýge arnalǵan basqa da alańdar óz jumysyn jemisti jalǵastyryp keledi. Ártúrli ult ókilderinen qurylǵan «Birikken Assambleıa quramasy» komandasy «Jaıdarman» ulttyq lıgasynyń fınalyna shyǵyp qýantty.
«Assambleıa jastary» uıymynyń qyzmeti halyqaralyq yntymaqtastyqty damytýǵa, onyń ishinde IýNESKO uıymynyń jelisi boıynsha qyzmet atqarýǵa baǵyttalǵan. Biz Ortalyq Azııa elderiniń jastarymen baılanys jasaýǵa udaıy umtylamyz. Bul mańyzy zor baǵyt, óıtkeni aımaqtaǵy qoǵamdyq dıplomatııanyń baǵyty men damýy elder arasyndaǵy tatýlyq pen ıntegrasııanyń negizgi sharty sanalady.
Qazaqstan Respýblıkasynyń Prezıdenti Qasym-Jomart Toqaevtyń Tájikstanǵa memlekettik sapary kezinde «Assambleıa jastary» RQB men Tájikstan Jastar Odaǵy arasynda yntymaqtastyq týraly Memorandýmǵa qol qoıyldy. Bul mańyzdy ári tarıhı oqıǵa retinde este qaldy. Sebebi jastar uıymdary qujatqa alǵash ret qos memleket basshysynyń qatysýymen ózara mámile jasady. Biz, osylaısha, Ortalyq Azııa elderiniń jastar uıymdary arasyndaǵy ózara is-qımyl formatyn órkendete bastadyq. Osy oraıda, bıyl Almaty qalasynda «Jastar Generation – 2024» halyqaralyq jastar lagerin ótkizdik. Bunda jastarymyz Qyrǵyzstan, Tájikstan, Túrikmenstan jáne О́zbekstan jastarynyń kóshbasshylarymen júzdesip, dúnıetanymyn keńeıte aldy.
Jalpy, «Assambleıa jastary» uıymy elimizdegi jalyndy jastardyń basyn bir arnaǵa toǵystyryp, damýǵa jeteleıdi. Meniń oıymsha, árbir jobanyń júzege asýy na, onyń paıdaly bolýyna erekshe mán berilýi kerek. Sol sebepti biz «Assambleıa jastary» belsendileriniń ózekti qyzmet baǵyttaryn anyqtaýdaǵy oı-pikirin árqashan eskeremiz. Biz bastamalarymyzdyń barlyq jastar qaýymy úshin qyzyqty bolýy jolynda kúsh-jiger aıamaımyz.
Tımýr JUMYRBAEV,
«Assambleıa jastary» RQB tóraǵasy