30 qazanda «Astana Opera» sahnasynda álemge áıgili skrıpkashy, Qazaqstannyń izgi nıetti elshisi Marat Bısenǵalıevtiń aýqymdy «Sımfonııalyq konserti» ótedi, dep habarlaıdy Egemen.kz «Astana Opera» teatrynyń baspasóz qyzmetine silteme jasap.
Konsert dırıjeri retinde Marat Bısenǵalıevtiń ózi óner kórsetedi, sondaı-aq ol skrıpkada solo oryndaıdy. Baǵdarlamadaǵy árbir shyǵarma halqymyzdyń mádenıeti men turmysynyń belgili bir aspektilerin beıneleıdi. Olardyń qatarynda «Dala», «Jelsiz túnde jaryq aı», «Aıttym sálem, Qalamqas», «Qarlyǵash», «Dýdaraı» jáne taǵy basqalary bar.
Marat Bısenǵalıev – álemdik deńgeıdegi kórnekti skrıpkashy. M.Bısenǵalıev klassıkalyq jáne ulttyq repertýarǵa ınnovasııalyq kózqarasymen jáne óziniń batyl ınterpretasııalarymen tanymal.