Joǵarǵy Sot Tóraǵasy Halyqaralyq jeke quqyq boıynsha Gaaga konferensııasynyń Bas hatshysy Krıstof Bernaskonıdi qabyldady, dep habarlaıdy Egemen.kz Joǵarǵy Sottyń baspasóz qyzmetine silteme jasap.
Kezdesýge Joǵarǵy Sottyń sýdıalary Baıan Toqtarova men Margarıta Odınsova, Sot ákimshiliginiń basshysy Naıl Ahmetzakırov qatysty.
Kezdesýde A.Merǵalıev joǵary sot organynyń Gaaga konferensııasymen syndarly dıalogqa basa nazar aýdaryp,onyń dúnıejúziniń 90-ǵa jýyq elin biriktiretin, halyqaralyq jeke quqyq normalaryn biriktirýde álemdik júıede mańyzy zor ekenine toqtaldy.
Joǵarǵy Sot Tóraǵasy qonaqty sot bıliginiń táýelsizdigin nyǵaıtýǵa, sot tóreligin júzege asyrý sapasy men sottarǵa senim deńgeıin arttyrýǵa baǵyttalǵan júrgizilip jatqan sot reformasynyń aspektileri týraly habardar etti.
Bul týraly aıta otyryp, ol olardy halyqaralyq standarttarǵa sáıkes júzege asyrý múmkindigin, sonyń ishinde Gaaga konvensııasy tarapynan (balalardyń quqyqtaryn qorǵaý, alıment tóleý jáne t.b.), Qazaqstan Respýblıkasynyń aımaqtyq sýdıalary úshin semınarlar ótkizý oń sıpatta alǵa jyljytylǵanyn atap ótti.
K.Bernaskonı Qazaqstannyń 2017 jyldan beri uıymǵa músheligin, Qazaqstan Respýblıkasynyń 9-shy Gaaga konvensııasynyń jumysyna qatysýyn jáne olardyń 3-i boıynsha Ortalyq organ qyzmetin atqarǵan Qazaqstan Respýblıkasynyń Sot ákimshiligin, sondaı-aq Qazaqstan Respýblıkasynyń jeke Gaaga konvensııalaryna qosylýdaǵy oń jumysy retinde atap ótti.
Taraptar yntymaqtastyqty damytýǵa ózara múddelilik tanytty: atap aıtqanda, birlesken semınarlar ótkizý, basylymdarmen almasý, saraptamalyq jáne ádistemelik qamtamasyz etý, uıymnyń Turaqty bıýrosy men Gaaga halyqaralyq quqyq akademııasynda taǵylymdamadan ótý.
Kelesi kezekte N.Ahmetzakırov Joǵarǵy Sot janyndaǵy Ahýaldyq ortalyǵynyń jumysyna toqtaldy: mysaly, elimizdiń barlyq sottary boıynsha 750-den astam ındıkator boıynsha sot ákimshiligi máselelerine naqty ýaqyt rejıminde monıtorıng júrgizý.
Bul barlyq isterdiń 95%-yn onlaın rejımine kóshirýge, týyndaǵan máselelerdi jyldam sheshýge, sot isin júrgizý sapasyn arttyrýǵa, sot isin júrgizý men robottandyrýǵa jasandy ıntellekt elementterin engizýge múmkindik berdi.
K.Bernaskonı sot júıesin sıfrlandyrýdyń aýqymy týraly jaqsy áser alǵanyn jasyrmady, iske asyrýǵa jumsalǵan resýrstardy atap ótti.
Aıta keteıik, Halyqaralyq jeke quqyq jónindegi Gaaga konferensııasy – resýrstary men tájirıbesi birkelki sot praktıkasyn qalyptastyrýda eleýli qoldaý kórsetetin bedeldi uıym. Gaaga konvensııalary azamattyq normalardy tıimdi qoldaný úshin birizdendirýge yqpal ete otyryp, ulttyq quqyqqa oń áser etedi.