Islandııadaǵy qyzmetkerlerdiń 51 paıyzy tórt kúndik jumys aptasyna kóshti.
2015–2019 jyldar aralyǵynda atalǵan memlekette jańa kesteni engizýge arnalǵan qanatqaqty jobalar bastalǵan edi. Bul tájirıbe 2500-den astam qyzmetkerdi qamtyp, olardyń jumys aptasy 40 saǵattan 35–36 saǵatqa qysqartyldy, biraq jalaqy tómendetilmedi. Zertteý nátıjeleri jumys ónimdiliginiń aıtarlyqtaı jaqsarǵanyn kórsetti. Qazir Islandııa ekonomıkasy Eýropanyń kóp memleketterine qaraǵanda qarqyny ósip, jumyssyzdyq deńgeıi eń tómengi kórsetkishke jetken.
«Kishkentaı Hanzada» – 1 mıllıon dollar
Antýan de Sent Ekzıýperıdiń áıgili «Kishkentaı Hanzada» kitabynyń túpnusqa qoljazbasy Abý-Dabıde bássaýdaǵa shyǵarylmaq.
Qundy jádiger 1 mıllıonnan astam dollarǵa baǵalanyp otyr. О́ıtkeni kitapta avtordyń ózi engizgen túzetýler men eskertpeler de bar eken. «Guardian» basylymy dál osyndaı úsh-aq nusqanyń saqtalǵanyn aıtady. Bul kitapqa qalamger: «Mańdaıdaǵy kóz kórmegendi kókirek kózi baıqaıdy», degen ataqty naqylyn jazǵan. Aıta keteıik, bássaýda qarasha aıynyń aıaǵynda ótedi.
Aqyl aıtatyn qalpaq
Reseı ónertapqyshtary mamandyq tańdaýǵa kómektesin qalpaq oılap tapty.
«Neiry» bıotehnologııalyq zerthanasy daıyndaǵan «Breını» júıesi oqýshynyń belgili bir kásibı salaǵa beıimdiligin anyqtaıdy. Qurylǵy áýeli balanyń 15-ten astam qabiletin ekshep alyp, sonyń ishinen 3 mamandyqty usynady. Búginde bul qyzmetti keıbir ýnıversıtetter, oqytý platformalary qoldana bastady.