Almaty qalalyq Polısııa departamentiniń tergeý bólimi elıtalyq turǵyn úı keshenderiniń biriniń aýmaǵynda adam óltirý deregi boıynsha sotqa deıingi tergeý amaldaryn júrgizip jatyr. Qazirgi ýaqytta óndiris qalpyna keltirilip, tıisti saraptamalar taǵaıyndaldy, dep habarlaıdy Egemen.kz.
Qalalyq Polısııa departamentiniń baspasóz qyzmeti habarlaǵandaı, kúdikti dereý qamaýǵa alynǵan.
Buǵan deıin sotqa deıingi tergeý sot-psıhıatrııalyq saraptamaǵa baılanysty úzilgen edi. Al qazirgi ýaqytta óndiris qalpyna keltirilip, tıisti saraptamalar taǵaıyndalǵan.
Sonymen qatar tergeý aıaqtalǵannan keıin qylmystyq is materıaldary sotqa jiberiledi.
Esterińizge sala keteıik, osy jyldyń naýryz aıynda Almatyda Merkur Towers turǵyn úı kesheniniń aýmaǵynda aıýandyqpen kisi óltirý oqıǵasy bolǵan edi. Kólikke mingen er adam aldymen kúzetshini birneshe ret qaǵyp, keıin ony uryp óltirgen.