Búgin Ádilet mınıstrliginiń resmı ókili Talǵat Ýálı qoǵam tarapynan jıi qoıylatyn dinı nekege qatysty saýalǵa jaýap berdi, dep jazady Egemen.kz.
Konstıtýsııanyń 1-babyna sáıkes Qazaqstan Respýblıkasy ózin demokratııalyq, zaıyrly, quqyqtyq memleket retinde bekitedi jáne onyń eń joǵary qundylyqtary adam, onyń ómiri, quqyqtary men bostandyqtary ekeni belgili.
Sondyqtan, T.Ýálı kodekstiń 2-babyna sáıkes tek arnaıy ýákiletti organdarda tirkeýden ótken neke ǵana zańdy dep tanylatynyn aıtty.
«Dinı rásimder boıynsha jasalǵan nekeniń Qazaqstan Respýblıkasy aýmaǵynda zańdy kúshi joq. Mundaı neke quqyqtyq retteý tetikterimen qorǵalmaıdy. Er men áıeldiń zańdy nekede turmaı birge ómir súrýi de neke retinde tanylmaıdy. Zańdy neke quzyretti memlekettik organda resmı tirkelýi tıis», dedi T.Ýálı.