Almatyda megapolıstiń aglomerasııamen kólik baılanysyn arttyrý aıasynda 1 qarashadan bastap qala mańyndaǵy qoǵamdyq kólikterdiń taǵy úsh baǵyty iske qosyldy. Jańa avtobýstar Qaskeleń men Uzynaǵashqa qatynaıtyn bolady, dep habarlaıdy Egemen.kz.
Uzynaǵash aýyly avtovokzaly – Tóle bı – Iаssaýı aralyǵyndaǵy №245 baǵyt boıynsha syıymdylyǵy joǵary 25 avtobýs qatynaıtyn bolady. Qozǵalys 5:45-te bastalyp, 23:00-de aıaqtalady. Tasymaldaýshy – «Ekobýs servıs» JShS.
Qaskeleńnen «Sálem» bazaryna deıingi №254 baǵytta 16 avtobýs qatynaıdy. Qozǵalys 5:50-de bastalyp, 23:00-de aıaqtalady. Tasymaldaýshy – «Madına» JShS.
B.Momyshuly metro stansııasynan Dolan aýylyna deıingi №239 baǵytta 18 avtobýs qatynaıdy. Qozǵalys 5:30 bastalyp, 23:01-de aıaqtalady. Tasymaldaýshy – «Neo City Trans» JShS.
Aıta keteıik, jol júrý aqysy qalalyq marshrýttardaǵydaı 120 teńge. Barlyq avtobýstar «Ońaı» elektrondy bılet júıesimen jabdyqtalǵan.