AQSh-tyń Pýeblo qalasynda ótip jatqan bokstan 19 jasqa deıingi jastar arasyndaǵy álem chempıonatynda otandasymyz Danııal Raıymbekov (85 kg) kúmis júldeger atandy, dep habarlaıdy Egemen.kz.
1bol.kz jazǵandaı, álem birinshiligin jańa qurylǵan World Boxing uıymy alǵash ret uıymdastyrdy.
Chempıonat fınaly búgin ótip jatyr. Qazaqstannan barǵan tórt boksshynyń ekeýi aqtyq synǵa shyqty.
«Raıymbekov fınalda Ýels boksshysy Tomas Pıtt Denıelmen kezdesip, 0:5 esebimen jeńilip qaldy. Osylaısha ol World Boxing uıymdastyrǵan eń birinshi chempıonatta Qazaqstan qorjynyna alǵashqy medaldy salǵan boksshy atanyp otyr», delingen habarlamada.
Aıta keteıik, 65 kelide óner kórsetetin Asylhan Kósherbaı rıngke erteń shyǵady. Onyń qarsylasy – Aýstralııa boksshysy Kýper Makkonel.