ADAM AQPARATSYZ BOLA ALMAIDY

22 maýsymda Qazaqstan Respýblıkasy Prezıdentiniń janyndaǵy Adam quqyqtary jónindegi komıssııa men “Medıalaıf” qoǵamdyq qory Astanadaǵy EQYU ortalyǵynyń jáne Soros-Qazaqstan qorynyń qoldaýymen Qazaqstan Respýblıkasy Baılanys jáne aqparat mınıstrliginiń qatysýymen “Qazaqstanda “Aqparatqa qol jetkizý týraly” Zańnyń qabyldanýy: naqtylyqtary men perspektıvalary” taqyrybynda sarapshylar kezdesýin ótkizdi. Bul kezdesý “Aqparatqa qol jet­­­kizý týraly” jáne “Aqparat jáne aqparatty qorǵaý týraly” zań jobalary máseleleri boıynsha biryńǵaı ustanym ázirleý úshin azamattyq qoǵam, memlekettik or­gan­dar men Qazaqstannyń dıplo­matııalyq korpýsy ókilderiniń basyn qosty. 2010-2020 jyldarǵa arnalǵan Qazaqstan Respýblıkasy Quqyqtyq saıasatynyń tujyrymdamasyna sáı­­kes aqparatqa qol jetkizý másele­­lerin normatıvtik-quqyqtyq ret­teýdi jetildirý qajet. Jeke zań qabyldaý týraly usynym 2009-2012 jyldarǵa arnalǵan Qazaqstan Res­­­­pýblıka­­syn­daǵy Adam quqyqtary salasyndaǵy ulttyq is-qımyl jos­parynda da qa­ras­ty­rylǵan. Búgingi tańda “Aqpa­rat jáne aqparatty qorǵaý týraly” zań jobasyn qabyl­daý 2011 jylǵa kóshirilgen, múddeli taraptar ara­synda zań jobasynyń maz­muny týraly ǵana emes, onyń ataýy týraly da máseleler tý­yndaǵan. Qazirgi kezde “Aqparat jáne aq­­paratty qorǵaý týraly” zań joba­sy­nyń tujyrymdamasy maquldan­ǵan. Úkimettiń aqparatqa qol jet­kizý sala­syndaǵy qoǵamdyq qaty­nas­tardy ret­teıtin zań jobasyn ázirleýge ki­risýi tıis degen pikir bar. Bul rette azamattyq qoǵam buǵan belsendi atsa­lysýǵa daıyn ekenin bildirip otyr. Saraptamalyq kezdesýge azamat­tyq qoǵam, Qazaqstan Respýblıkasy Prezıdenti Ákimshiliginiń, Úkimet­tiń, Parlamenttiń, Joǵarǵy Sottyń jáne Konstıtýsııalyq Keńestiń ókilderi, halyqaralyq sarapshylar, dıplomatııalyq mıssııalar men BAQ ókilderi qatysty. Kezdesý qorytyn­dysy boıynsha aqparatqa qol jet­kizý quqyǵyn zańnamalyq retteýdi jetildirý maqsatynda prak­tıkalyq usynymdar ázirlenetin bolady.