Jyl basynan beri Jaıyq ózeni arqyly Kaspıı teńizine 16,7 mıllıard tekshe metr sý jiberildi, dep habarlaıdy Egemen.kz.
Sý resýrstary jáne ırrıgasııa mınıstrliginiń málimetinshe, Jaıyq ózeniniń ortasha kópjyldyq aǵyny 9,46 tekshe shaqyrymdy quraıtyn. Biraq bıyl sý kólemi ortasha jyldyq normadan asyp túsken.
Aıta keteıik, ózen aǵyny Reseıdegi Irıklın sý qoımasynan jiberilgen sý kólemine baılanysty qalyptasady.
«Jyl basynan beri mınıstrlik ókilderi Reseı, Qytaı jáne Ortalyq Azııa elderinen kelgen áriptesterimen transshekaralyq ózender máseleleri boıynsha 28 kezdesý ótkizdi. Sý tasqyny kezeńinde sý kólemin retteý boıynsha kelissózder kúsheıtilgen rejımde júrgiziledi», dedi Sý resýrstary jáne ırrıgasııa mınıstrliginiń resmı ókili Móldir Ábdýálıeva.