Qyzylorda qalasynyń prokýratýrasy oblystyq memlekettik múlik jáne jekeshelendirý departamentiniń qyzmetkerleri tárkilegen jáne tyıym salǵan múlikti ótkizýge baılanysty júrgizilgen saýda-sattyqtardyń zańdylyǵyna tekserý júrgizdi.
Qyzylorda qalasynyń múlikti memleket paıdasyna aınaldyrý boıynsha aýmaqtyq bóliminiń 2015 jyldyń I toqsanyndaǵy statıstıkalyq málimetterine qaraǵanda, sot tárkilegen múlikterge qatysty 193 atqarý óndiristeri tirkelgen. Onyń ishinde qylmystyq ister boıynsha 85 óndiris ekenin aıta keteıik. Sondaı-aq, olardyń bireýi aýmaq boıynsha joldanǵan, úsheýi naqty aıaqtalǵan, al 189-y toqsan sońynda qaldyqta qalǵan. Memlekettik sot oryndaýshysy atalǵan departamentke barlyǵy 9 545 929 teńge kólemindegi 39 múlikti alys-beris aktisi negizinde ótkizgen. Tekserý barysynda, departament qyzmetkerleri «Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasy zańynyń talaptary buzylǵanyn anyqtady.
Atap aıtqanda, Qazaqstan Respýblıkasy Prezıdentiniń 2014 jylǵy 25 tamyzdaǵy №898 Jarlyǵynyń negizinde, Ádilet mınıstrliginen Qarjy mınıstrligine respýblıkalyq menshikke aınalǵan (túsken) múlikti esepke alý, saqtaý, baǵalaý jáne odan ári paıdalaný jumystaryn uıymdastyrý fýnksııalary berilgen.
Qazaqstan Respýblıkasy Úkimetiniń 2002 jylǵy 26 shildedegi №833 Qaýlysynda «jekelegen negizder boıynsha memleket menshigine aınaldyrylǵan (aınaldyrýǵa tıis) múlikti esepke alý, saqtaý, baǵalaý jáne odan ári paıdalaný erejesiniń 4-tarmaǵynda, Qazaqstan Respýblıkasy Ádilet mınıstrliginiń sot aktilerin oryndaý komıteti jáne onyń aýmaqtyq organdary osy ereje boıynsha aıqyndalatyn tártippen respýblıkalyq menshikke aınaldyrylǵan (aınaldyrylýy tıis) tárkilengen múlikti esepke alý, saqtaý, baǵalaý jáne budan ári paıdalaný jónindegi jumystardy uıymdastyrady delingen.
Sonymen qatar, sot aktilerin oryndaý departamenti alys-beris aktilerin jasaý jóninde 2014 jyly 13 qazanda №9268/4-12 qatynas hatyn jazýmen ǵana shektelý nátıjesinde memleket paıdasyna óndirilýge jatatyn múlikter saýda-sattyqqa shyǵarylmaı, qoldanystaǵy zań talaptarynyń óreskel buzylýyna jol berilgeni anyqtaldy. Osyǵan sáıkes, qalalyq prokýratýra ótken jyldyń qarasha aıynda sot aktilerin oryndaý departamentine jáne Qyzylorda memlekettik múlik jáne jekeshelendirý departamentine prokýrorlyq yqpal etý aktisiniń engizilý nátıjesi boıynsha departamentter arasynda 2014 jyly 23 jeltoqsanda alys-beris (ótkizý jáne qabyldap alý) aktileri jasalyp, memleket paıdasyna qaratylǵan múlikter Qyzylorda memlekettik múlik jáne jekeshelendirý departamentine ótkizildi.
Alaıda, departamentpen búgingi kúnge deıin memleket paıdasyna qaratylǵan múlikter saýda-sattyqqa shyǵarylmaǵan. Sebebi, Qarjy mınıstrliginiń memlekettik múlik jáne jekeshelendirý komıteti jekelegen negizder boıynsha respýblıkalyq menshikke aınaldyrylǵan (túsken) múlikti saqtaý, satý, kádege jaratý jáne tasymaldaý boıynsha qyzmetterdiń memlekettik satyp alý konkýrstary ortalyqtandyrylyp ótkizilip aǵymdaǵy jyldyń sáýir aıynda jeńimpazdardy anyqtaǵanymen, odan ári qaraı atqarylýy tıis jumystar búginge deıin júzege asyrylmaýda. Osynyń saldarynan, saqtaýda turǵan múlikterge qazirgi tańda 942 540 teńge kóleminde shyǵyndar (joıylýǵa jatatyn 25 354 lıtr spırtke negizsiz shyǵyndar shyǵýda) jumsalǵan.
Joǵarydaǵy derekterdiń negizinde Qyzylorda qalalyq prokýratýrasy zań buzýshylyqtardy joıý týraly usynys engizdi.
Rýslan Pirnazar,
Qyzylorda qalasy prokýrorynyń aǵa kómekshisi.