Pavlodardaǵy №3 aýrýhananyń kredıtorlyq qaryzy bir jarym jyl ishinde 44 ese ulǵaıǵan. 2023 jyl basynda nebári 8 mln teńge bolǵan borysh búginde 356 mln teńgege deıin ósip ketipti. О́ńirdegi emdeý uıymdarynyń birazynda osyndaı másele baıqalyp otyr.
Oblystyq máslıhattyń depýtaty Mahanbet Amangeldiniń aıtýynsha, Pavlodardaǵy №1 qalalyq aýrýhananyń jyl basyndaǵy bereshegi 1 mıllıard 235 mıllıon teńge bolsa, toǵyz aı ishinde oǵan taǵy 700 mıllıon teńge shyǵyn qosylǵan.
– Oblystaǵy emdeý uıymdarynyń qaryzdaryna qatysty másele bul ǵana emes. Mysalǵa, byltyr Ekibastuz qalalyq aýrýhanasynyń kredıtorlyq bereshegi 700 mıllıon teńgeni qurady. Qaryzdyń 50 paıyzy kommýnaldyq qyzmetterden shyqqan. Áleýmettik saqtandyrý qory bul jaǵdaıǵa aralasyp, aýrýhana qoldanystaǵy tarıften úsh ese artyq tóleıtinin anyqtady. Qordyń talqylaýynan keıin kommýnaldyq qyzmet 2,5 ese tómendedi. Oǵan qosymsha aýrýhanany qarjylandyrý 415 mıllıon teńgege ulǵaıtyldy. Nátıjesinde, uıymnyń qaryzy qysqarýy kerek edi. О́kinishke qaraı, atalǵan mekemeniń syrtqy bereshegi 968 mıllıon teńgege deıin ósken, – deıdi M.Amangeldi.
Dúnıejúzilik densaýlyq saqtaý uıymynyń standarttaryna sáıkes, emdeý mekemelerindegi eńbekaqy men salyqtardyń tólemi jalpy bıýdjettiń 65 paıyzynan aspaýy kerek. Joǵaryda atalǵan 3 emdeý uıymynda teris dınamıka qalyptasqany baıqalady. Onyń ústine sońǵy ýaqytta qalalyq aýrýhanalar medısınalyq qural-jabdyqtardy kóptep satyp alyp jatyr, bul da qarjylyq jaǵdaıdaryn qıyndatý ústinde. Osy oraıda aımaqtaǵy Ǵ.Sultanov atyndaǵy oblystyq aýrýhana men kardıologııalyq ortalyqta eshqandaı bereshektiń joqtyǵyn oń mysal retinde keltirýge bolady. Munda eńbekaqy qory jalpy bıýdjettiń 55 paıyzyn qurap otyr.
«Medısınalyq jáne farmasevtıkalyq baqylaý komıteti departamentiniń málimetinshe, emdelýshilerden túsetin shaǵymdardyń kópshiligi joǵaryda atalǵan úsh aýrýhanaǵa qatysty. Ádettegideı, №1 qalalyq aýrýhana turǵyndar narazylyǵy jóninen kósh bastap tur. Oblys basshylyǵyna №1 Pavlodar qalalyq aýrýhananyń bas dárigerin, Ekibastuz qalasynyń bas dárigerin laýazymdarynan bosatýdy, al №3 Pavlodar qalalyq aýrýhanasynyń bas dárigerine tártiptik sıpattaǵy sharalar qoldanýdy usynamyz», deıdi depýtat.
Al óńirlik densaýlyq saqtaý basqarmasynyń basshysy Ánýar Buırashevtyń aıtýynsha, atalǵan medısınalyq uıymdardyń kredıtorlyq beresheginen bólek, debıtorlyq bereshegi de bar.
«Toǵyz aıdyń qorytyndysymen biz bul máseleni tártiptik komıssııaǵa shyǵaramyz. Bas dárigerlerge qatysty tıisti sharalardy qoldanamyz», dedi basqarma basshysy.
Pavlodar oblysy