Jetisý oblysy ákiminiń ókimimen oblystyń Memlekettik sáýlet-qurylys baqylaý basqarmasynyń basshysy bolyp Nurbol Tólendiuly Botabekov taǵaıyndaldy, dep habarlaıdy Egemen.kz.
Nurbol Tólendiuly 1989 jyly týǵan. Q.Sátpaev atyndaǵy Qazaq ulttyq tehnıkalyq ýnıversıtetin kólik, kólik tehnıkasy jáne tehnologııasy, D.Qonaev atyndaǵy kólik quqyq gýmanıtarlyq ýnıversıtetin quqyqtaný, L.B.Goncharov atyndaǵy Qazaq avtomobıl-jol ınstıtýtyn qurylys mamandyqtary boıynsha támamdaǵan.
Eńbek jolyn Qazaqstan Qurylys jáne turǵyn úı-kommýnaldyq sharýashylyq isteri agenttiginiń Almaty oblysy boıynsha memlekettik sáýlet-qurylys baqylaý jáne lısenzııalaý departamentiniń jetekshi mamany bolyp bastap, keıin bas mamany bolǵan.
Ár jyldary Almaty oblysynyń memlekettik sáýlet-qurylys baqylaý basqarmasynyń bas mamany, bólim basshysy, basqarma basshysynyń orynbasary laýazymdaryn atqarǵan.
2022 jyldyń qańtarynan Almaty oblysynyń memlekettik sáýlet-qurylys baqylaý basqarmasy ákimshilik-quqyqtyq jumystar bóliminiń basshysy boldy.