Búgin saǵat 10:00 mınýt 30 sekýndta Almaty men qala mańyndaǵy aýdandarda jer silkindi. Tótenshe jaǵdaılar mınıstrligi 2-4 balldyq jer silkinisinen keıin ǵımarattardy tekserdi, dep jazady Egemen.kz.
Mınıstrlik málimetinshe, Almaty oblysynyń Talǵar qalasy men Almatyda jer silkinisinen ǵımarattarǵa zaqym kelmegen ári zardap shekkender joq.
Áleýmettik nysandar shtattyq rejımde jumys istep jatyr.
«Qazseldenqorǵaý» mamandary ózen arnalaryn, gıdrotehnıkalyq qurylystardy, kóshkin qaýipti jáne sel qaýipti ýchaskelerdi zertteý boıynsha monıtorıng júrgizgen.
Sondaı-aq, Talǵar qalalyq bilim bólimi búgin bilim berý uıymdarynda sabaq bolmaıtynyn habarlady.
«Talǵar aýdany boıynsha bilim bólimi búgingi kúni jer silkinisine baılanysty barlyq bilim berý uıymdarynda sabaq bolmaıtyndyǵyn jáne qashyqtyqtan oqytý júrgiziletinin habarlaıdy», delingen habarlamada.
Al qala turǵyndarynan «112» jelisine aqparattyq sıpattaǵy 50-ge jýyq qońyraý kelip túsken. Almaty oblysynyń TJD komandalyq ortalyǵynyń bazasynda jedel jeli telefony: 8 (7277) 22-60-97 jumys istep tur.