Shyǵys Qazaqstan oblysynda 28 qazan – 1 qarasha aralyǵynda, jastar arasynda dástúrli rýhanı-adamgershilik qundylyqtardy qalyptastyrý jáne dinı ekstremızmniń aldyn alý baǵytynda semınarlar men ártúrli formattaǵy is-sharalar ótkizildi, dep habarlaıdy Egemen.kz.
QR Mádenıet jáne aqparat mınıstrliginiń Din isteri komıtetiniń arnaıy jobasy aıasynda uıymdastyrylǵan sharaǵa Shyǵys Qazaqstan oblysy Din isteri basqarmasy qoldaý kórsetti.
Is-sharalarǵa RATT músheleri Shyǵys Qazaqstan oblysy, «Din zertteý ortalyǵy» teolog mamandary Nazarbekov Rınat Toqtamysuly men Qanapııanov Ernur Bolatbekuly, Abaı oblysy, «Din zertteý ortalyǵynyń» dırektory О́mirhanov Maqsat Erlanuly jáne Astana qalasy, «Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy», bas sarapshysy Jaqııanov Dýlat Jardemqululy qatysty.
Shara barysynda О́skemen, Rıdder qalalary, Ulan, Glýbokoe jáne Zaısan aýdandarynyń turǵyndarymen, stýdenttermen, áskerı sarbazdarmen, jastarmen jáne joǵarǵy synyp oqýshylarymen kezdesýler ótkizildi. Kezdesýde «Qazaqstandaǵy dástúrli ıslam: erekshelikteri men qundylyqtary», «Destrýktıvti dinı aǵym ıdeologııasynyń qaýpi», «Radıkaldy ıdeıalardyń áserinen qalaı qorǵanýǵa bolady», «Internet keńistigindegi manıpýlıasııalar jáne olardy beıtaraptandyrý ádisteri», «DRT dıalogtary – ulttyq qaýipsizdikke tóngen qaýip» jáne t.b. taqyryptar aıasynda oı órbitildi.