Astana qalasy bilim basqarmasy búgin elordada aýa raıynyń nasharlaýyna baılanysty mektepterde sabaq ýaqyty qysqartylatynyn habarlady, dep jazady Egemen.kz.
«Qazgıdromet» RMK 6-7 qarasha kúnderi Astanada Ońtústik-batystan soǵatyn jeldiń ekpini 23-28 m/s, keı ýaqyttarda 30 m/s bolatynyn boljady.
Osyǵan baılanysty qalalyq bilim basqarmasy búgin oqýshylardy erterek úılerine qaıtarý sheshimin qabyldaǵan.
«Aýa raıynyń nasharlaýyna baılanysty (jel jyldamdyǵynyń 30 m/s deıin ulǵaıýyna) baılanysty sabaqtardyń uzaqtyǵyn qysqartyp, balalardyń qaýipsizdigin baqylaýǵa ala otyryp, qarańǵy túskenge deıin eresektermen birge qaıtarý qajet. Ata-analary jumysta bolǵan jaǵdaıda, balalar ata-analary kelgenshe mektepte bolýy tıis», delingen basqarma habarlamasynda.