Qazaqstannyń eki oblysynda aýa raıynyń nasharlaýyna baılanysty jol qozǵalysyna shekteý engizildi, dep habarlaıdy Egemen.kz.
6 qarashada saǵat 19:00-de Aqtóbe oblysynda aýa raıynyń buzylýyna baılanysty respýblıkalyq mańyzy bar «Samara-Shymkent» avtojolynyń 965-1153 shaqyrym aralyǵynda (Qarabutaq aýylynan M-32 jáne A-26 jol aıyryǵyna deıin) júk jáne qoǵamdyq kólikterdiń qozǵalysyna shekteý qoıyldy.
19:30-da Aqtóbe oblysynda aýa raıynyń buzylýyna baılanysty respýblıkalyq mańyzy bar «Qandyaǵash-Embi-Shalqar-Yrǵyz» avtojolynyń 259-389 shaqyrym aralyǵynda (Shalqar qalasynan M-32 jáne A-26 jol aıyryǵyna deıin) júk jáne qoǵamdyq kólikterdiń qozǵalysyna shekteý qoıyldy.
20:00-de Aqmola oblysynda aýa raıynyń buzylýyna baılanysty respýblıkalyq mańyzy bar «Kókshetaý-Atbasar» avtojolynyń 47-184 shaqyrym aralyǵynda (Zerendi aýylynan Atbasar qalasyna deıin) kóliktiń barlyq túriniń qozǵalysyna shekteý qoıý josparlanyp otyr. Joldy 2024 jylǵy 7 qarashada saǵat 08:00-de ashý josparlanǵan.
21:00-de Aqmola oblysynda aýa raıynyń buzylýyna baılanysty respýblıkalyq mańyzy bar «Astana-Petropavl» avtojolynyń 18-232 shaqyrym aralyǵynda (Astana qalasynan Shýchınsk qalasyna deıin) kóliktiń barlyq túriniń qozǵalysyna shekteý qoıý josparlanyp otyr. Joldy 2024 jylǵy 7 qarashada saǵat 08:00-de ashý josparlanǵan.