ASTANA. 29 sáýir. Elbasy belgili mýzykant, estrada ánshisi ári kompozıtor Batyrhan Shókenovtiń qaıtys bolýyna baılanysty marqumnyń otbasy men týǵan-týystaryna kóńil aıtý jedelhatyn joldady. Bul týraly akorda.kz habarlady.
Jedelhatta Batyrhan Shókenov jan-jaqty daryndylyǵy, joǵary oryndaýshylyq sheberligi jáne jeke basynyń qasıetterimen mıllıondaǵan tyńdaýshylardyń súıiktisi bolǵany atap ótilgen.
«Osyndaı adamnyń kenetten qaıtys bolýy bárimizdi ókindirip otyr. Onyń esimi jáne oryndaýyndaǵy shyǵarmalary halqymyzdyń jadynda saqtala beredi», – delingen jedelhatta.
Elaman Qońyr.
Derek, sýret: akorda.kz.