AQSh prezıdenttigine demokrattar atynan kandıdat bolǵan vıse-prezıdent Kamala Harrıs respýblıkashyldar atynan túsken qarsylasy Donald Trampty 2024 jylǵy prezıdenttik saılaýdaǵy jeńisimen quttyqtaý úshin qońyraý shaldy, - dep habarlaıdy Egemen.kz.
«Donald Tramp pen Kamala Harrıs sársenbide tańerteń telefonmen sóılesti. Harrıs Trampty tarıhı jeńisimen quttyqtady. Prezıdent Tramp vıse-prezıdenttiń kúshin, kásibıligin jáne tabandylyǵyn joǵary baǵalady, eki kóshbasshy da eldegi birliktiń mańyzyn moıyndady», - dep jazylǵan Tramptyń saılaýaldy shtabynyń málimdemesinde.