Elimizde «Cassa Depositi e Prestiti» memlekettik bankiniń nesıe jelisi ashylyp jatyr. Bul jaıynda Saýda jáne ıntegrasııa mınıstri Arman Shaqqalıev pen Italııanyń syrtqy ister mınıstriniń orynbasary Edmondo Chırıellıdiń ekijaqty kezdesýi barysynda málim boldy.
Arman Shaqqalıevtiń aıtýynsha, Italııa Eýropalyq Odaq elderi arasynda elimizdiń negizgi saýda seriktesteriniń biri bolyp sanalady. 2023 jyly eki el arasyndaǵy jalpy taýar aınalymy 16,1 mlrd dollardy qurady, bul ótken jylmen salystyrǵanda 7,8%-ǵa kóp. Qazaqstannan Italııaǵa eksport 14,8 mlrd dollarǵa jetti, al ımport 1,2 mlrd dollar boldy, bul ósimniń oń dınamıkasyn kórsetip otyr.
Saýda-sattyqtyń ósýi bıyl da jalǵasyn tapty. 2024 jyldyń segiz aıynda saýda kólemi 33%-ǵa ósip, 13,8 mlrd dollardy qurady, bul rette otandyq ónimniń eksporty 36% -ǵa artyp, 12,9 mlrd dollarǵa jetti.
Saýda jáne ıntegrasııa mınıstri Arman Shaqqalıev 29 qazanda Astanada ekonomıkalyq yntymaqtastyq jónindegi Qazaqstan-Italııa úkimetaralyq jumys tobynyń (ÚAK) 9-otyrysy ótkenin atap ótti. Otyrys Memleket basshysy Qasym-Jomart Toqaevtyń qańtar aıynda Italııaǵa saparynan keıingi tapsyrmasy sheńberinde ótti jáne saýda-ekonomıkalyq máselelerdi talqylaýda mańyzdy ról atqarady.
О́z kezeginde ıtalııalyq qonaq Edmondo Chırıellı shaqyrǵany úshin alǵysyn bildirip, kezdesýdiń mańyzdylyǵyn atap ótti.
«Bizdiń saýda-ekonomıkalyq saladaǵy qarym-qatynasymyz nyǵaıa túsetinine senimdimiz. Qazaqstan Ortalyq Azııada negizgi orynǵa ıe jáne Eýropany óńirmen baılanystyrady. Ekijaqty saýda kólemi edáýir ósti jáne qol jetkizilgen nátıjelerge qanaǵattanamyz. Qazaqstanda «Cassa Depositi e Prestiti» memlekettik bankiniń nesıe jelisin ashýdy josparlap otyrmyz. Eki el arasyndaǵy qarym-qatynastyń damı beretinine senimdimiz. Bul kezdesýlerdi ótkizý yntymaqtastyǵymyzdyń alty jyldyq kezeńin aıaqtaǵan mańyzdy kezeń boldy», dedi Italııanyń syrtqy ister mınıstriniń orynbasary.