Jańa Konstıtýsııa boıynsha ótken referendým el azamattarynyń ózgeriske daıyn ekenin kórsetti. Resmı málimetke súıensek, daýys berýge halyqtyń 73,12 paıyzy qatysyp, onyń 87,15 paıyzy jańa Konstıtýsııany qoldady. Bul – jurttyń eldiń bolashaǵyna beıjaı qaramaıtynyn, damý baǵytyn birge aıqyndaýǵa nıetti ekenin bildiredi, dep habarlaıdy Egemen.kz.
Eýrazııalyq ıntegrasııa ınstıtýtynyń departament basshysy Arman Eshmuratovtyń aıtýynsha, daýys berý kúni eldiń kóptegen óńirinde merekelik kóńil kúı baıqaldy. Jármeńkeler uıymdastyrylyp, konsertter ótti, túrli aksııalar ótkizildi. Tanymal tulǵalardyń qatysýy da halyqtyń belsendiligin arttyrdy. Sonyń nátıjesinde referendým tek saıası naýqan emes, eldi biriktirgen mańyzdy oqıǵaǵa aınaldy.
El azamattarynyń 87,1 paıyzy jańa Konstıtýsııany qoldady
Aldyn ala júrgizilgen túsindirý jumystary da óz nátıjesin berdi. Kópshilik bul jolǵy daýys berýdi jaı rásim retinde emes, eldiń erteńine áser etetin naqty múmkindik retinde qabyldady.
Arman Eshmuratov daýys berý prosesi de tynysh ári retimen ótkenin atap ótti. Ýchaskelerde eleýli zań buzýshylyqtar tirkelmedi. Bul halyqtyń nátıjege degen senimin kúsheıtti.
Grýzııa dıplomaty: Qazaqstanda ótken referendým halyqaralyq tájirıbege tolyq sáıkes keledi
Halyqaralyq baıqaýshylar da referendýmnyń ashyq ári ádil ótkenin atap ótti. Mundaı baǵa el ishindegi senimdi odan ári arttyra tústi.
Jalpy, jańa Konstıtýsııa qoǵamdaǵy suranysqa jaýap bergen qujat retinde qabyldandy. Bir jaǵynan, azamattardyń quqyqtary keńeıip, olardyń el basqarý isine qatysý múmkindigi artsa, ekinshi jaǵynan, memlekettegi turaqtylyq pen tártip saqtalýǵa tıis.
Memleket basshysy jańa Konstıtýsııaǵa qol qoıdy
Sondyqtan 2026 jylǵy 15 naýryzdaǵy referendým el tarıhynda mańyzdy kúnderdiń biri retinde qalmaq. Bul – Qazaqstannyń jańaryp, alǵa qadam basqan sáti.