Hromtaý aýdanyndaǵy Dóń taý-ken baıytý kombınatynyń aýmaǵynda jumysshy bıikten qulap, mert boldy, dep habarlaıdy Egemen.kz.
Qaıǵyly oqıǵa 4 qarasha kúni bolǵan.
«Kompanııa zardap shegýshige kásibı medısınalyq kómek kórsetýge bar kúshin saldy. Dárigerler onyń ómiri úshin birneshe kún kúreskenimen, ókinishke oraı, ony aman alyp qala almady. Oqıǵa týraly memlekettik organdarǵa habarlanyp, tergeý júrip jatyr. Kásiporyn ujymy marqumnyń týystaryna qaıǵylaryna ortaqtasyp, kóńil aıtady», delingen habarlamada.
Aıta keteıik, bıyl osy Hromtaýdaǵy «Qazhrom» fılıalynyń eki qyzmetkeri mert boldy. Atalǵan oqıǵa boıynsha qylmystyq is qozǵalyp, tergeý amaldary júrgizilip jatyr.