Almatyda joǵary tehnologııalyq dárilik zattardy shyǵaratyn jańa zaýyt salynady. Úkimet farmóndiriske qoldaý kórsetedi, dep habarlaıdy Egemen.kz.
«NOBEL Pharmaceuticals» halyqaralyq holdınginiń bóligi «Nobel Almaty farmasevtıkalyq fabrıkasy» AQ otandyq naryqta óndiristik qýatyn keńeıtýdi jáne odan ári lokalızasııalaýdy josparlap otyr. 2025 jyly kompanııa shyǵarylatyn ónim kólemin 25 mln qaptamaǵa deıin ulǵaıtýǵa nıetti.
«Memlekettik qoldaýdyń arqasynda bizdiń kompanııamen 11 uzaq merzimdi shart jasaldy, onyń sheńberinde 2025 jyly biz 106 ataýdy jetkizýdi josparlap otyrmyz. 11 preparat alǵash ret iske qosyldy, onyń ishinde Roche kompanııasymen kelisimsharttyq óndiris boıynsha 4 túpnusqa preparat bar», dedi «Nobel AFF» bas atqarýshy dırektory Svetlana Kıl.Sonymen qatar Almatyda $70 mln somasyna joǵary tehnologııalyq dárilik zattardy shyǵarý úshin jańa zaýyt salý josparlanǵan. Qazaqstan úshin biregeı sanalatyn jańa býynnyń R&D zerthanasy men avtomattandyrylǵan qoımasy qurylady.
Úkimet basshysy Oljas Bektenov kompanııanyń bastamalaryna qoldaý bildirip, elimizdiń farmasevtıka salasyn odan ári damytýdyń mańyzyn atap ótti.
«Qazaqstanda odan ári ınvestısııalaý boıynsha aldaǵy josparlaryńyzdy bizdi qýantady. Jańa zaýyttyń qurylysy boıynsha biz barlyq qajetti qoldaýdy kórsetemiz. Nobel tarapynan Qazaqstanda álemdik deńgeıdegi joǵary sapaly farmasevtıkalyq quraldardy óndirý boıynsha quzyret paıda bolýy úshin odan ári lokalızasııalaýdy, jergilikti kadrlardyń biliktiligin arttyrýdy, olardy oqýǵa tartý úshin barynsha jumys isteısizder dep kútemiz. Bul jerde ózara tıimdi prosess bolýy tıis dep oılaımyn», dedi Oljas Bektenov.