Qasym-Jomart Toqaev ICAO keńesiniń prezıdenti Salvatore Shakkıtanony qabyldady, dep habarlaıdy Egemen.kz Aqorda baspasóz qyzmetine silteme jasap.
Halyqaralyq azamattyq avıasııa uıymynyń (ICAO) basshysymen kezdesý barysynda avıasııa salasyn damytý perspektıvasy talqylandy.
Memleket basshysy ICAO-men nátıjeli yntymaqtastyq ornatqan 30 jyl ishinde Qazaqstannyń Uıym standarttaryna sáıkestigi 82 paıyzǵa jetkenin atap ótti. Bul – damyǵan Eýropa elderimen teń deńgeıdegi kórsetkish.
Qasym-Jomart Toqaevtyń aıtýynsha, áýejaılardy jańǵyrtý, áýe kemeleri parkin ulǵaıtý jáne «ashyq aspan» rejımin engizý baǵytyndaǵy dáıekti sharalardyń nátıjesinde ushý geografııasy aıtarlyqtaı keńeıip, halyqaralyq reısterdiń sany artty.
О́z kezeginde ICAO keńesiniń prezıdenti Qazaqstanmen áýe tasymalynyń qaýipsizdigi jáne turaqtylyǵyn qamtamasyz etý maqsatyndaǵy seriktestikti odan ári nyǵaıtýǵa qoldaý kórsetýge daıyn ekenin málimdedi. Sonymen qatar elimizdiń azamattyq avıasııa salasyndaǵy tabysyn joǵary baǵalady.
Salvatore Shakkıtano Qazaqstannyń Uıym janynan turaqty ókildigin ashqany úshin rızashylyǵyn bildirip, kelesi jyly Astanaǵa saparmen kelýdi josparlap otyrǵanyn jetkizdi.