Prezıdent Qasym-Jomart Toqaev BUU Klımattyń ózgerýi týraly negizdemelik konvensııasyna qosylýshy taraptardyń 29-shy konferensııasy (SOP29) aıasynda Grekııa Premer-mınıstri Kırıakos Mısotakıspen kezdesý ótkizdi, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy Grekııany Qazaqstannyń Jerorta teńizi aımaǵy jáne Eýropa Odaǵyndaǵy senimdi seriktesi retinde atap ótip, Afıny elimizdiń Eýropa Odaǵyna múshe memleketter arasyndaǵy bes iri saýda áriptesiniń biri ekenine nazar aýdardy.
Kırıakos Mısotakıs qazaq-grek yntymaqtastyǵynyń áleýetin joǵary baǵalap, barlyq baǵyttaǵy ózara baılanystardy tereńdetýge daıyndyǵyn jetkizdi.Qasym-Jomart Toqaev pen Kırıakos Mısotakıs saýda-ekonomıkalyq, ınvestısııalyq jáne mádenı-gýmanıtarlyq qarym-qatynasty nyǵaıtýǵa beıil ekenin rastap, ózara saýda-sattyqty ártaraptandyrýdyń mańyzdylyǵyna toqtaldy.Kezdesýde belsendi saıası dıalog júrgizý jóninde ýaǵdalastyq jasaldy. Grekııa Úkimetiniń basshysy Prezıdent Qasym-Jomart Toqaevtyń Qazaqstanǵa saparmen kelý týraly usynysyn rızashylyqpen qabyl aldy.