Memleket basshysy Qasym-Jomart Toqaev SOP29 Dúnıejúzilik klımat sammıtinde usynylǵan Qazaqstannyń ekspozısııasymen tanysty, dep habarlaıdy Egemen.kz Aqordanyń baspasóz qyzmetine silteme jasap.
Kórme elimizdiń mádenıetin, ınnovasııalyq jáne ekologııalyq jobalaryn pash etedi. Keńistik tabıǵı materıaldardy paıdalana otyryp etnostılde bezendirilgen. Osylaısha uıymdastyrýshylar halqymyzdyń dástúrdi berik saqtaıtynyn ári ekologııalyq ustanymdy qoldaıtynyn kórsetken.
Prezıdentke jasyl sýtegin óndiretin Hyrasia One bolashaq zaýytynyń maketi tanystyryldy.
Budan keıin Memleket basshysyna Gúlfııa Meldeshtiń saıǵaq músinderi jáne otandyq ekologııalyq ónimder kórsetildi.
Pavılonǵa kelýshiler Qazaqstannyń bıoalýantúrliligi, sondaı-aq sırek kezdesetin nemese joıylyp ketý qaýpi tónip turǵan Turan jolbarysy, Prjevalskıı jylqysy, kıik jáne qar barysy sekildi túz taǵylaryn qaıta kóbeıtý maqsatynda elimizde qabyldanǵan sharalar jóninde maǵlumat alady.