Bıylǵy jyldyń 18 qarashasynda Almaty qalasynyń Almaly aýdandyq soty Qalalyq ortalyq keden zerthanasynyń basshysy A. Satybaldıev pen bas maman Álibekov B. sottaldy, dep habarlaıdy Egemen.kz Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Olar kásipkerlik sýbektileriniń ókilderinen keden sarapshylarynyń qorytyndylaryn jedeldetip bergeni úshin birneshe ret para alǵany úshin kináli dep tanylǵan.
«Satybaldıev pen Álibekovke memlekettik jáne kvazımemlekettik mekemelerde qyzmette laýazymdardy atqarý quqyǵynan ómir boıyna aıyra otyryp, árqaısysyna 7 jyl bas bostandyǵynan aıyrý jazasy taǵaıyndaldy», delingen habarlamada.
Sondaı-aq, sol úkimmen keden brokerleri Nıkolas V., Kazanseva S. jáne Garýnı S. atalǵan laýazymdy tulǵalarǵa para bergeni úshin aıyppul salýǵa sottalǵan.Sot aktisi zańdy kúshine engen joq.