Bolatbek Sháripov Aqsý qalasynyń ákimi qyzmetine keldi. Jańa basshyny búgin Pavlodar oblysynyń ákimi tanystyrdy, dep habarlaıdy Egemen.kz.
Bolatbek Sháripov 1973 jyly Ertis aýdany Zarechnoe aýylynda dúnıege kelgen. Eńbek jolyn 1992 jyly bastaǵan. Memlekettik qyzmette 2008 jyldan beri jumys isteıdi. Ertis óńirinde basqarma basshysynan oblys ákimine deıin kóterildi.
Pavlodar oblysynyń ákimi Asaın Baıhanov jańa basshynyń aldyna barlyq qoldanystaǵy ınfraqurylymdyq jáne áleýmettik jobalardy, sondaı-aq túıtkildi máselelerdi saraptaý mindetin qoıdy.
Jańa ákimge ekonomıkanyń turaqty ósimin 6-7 paıyz deńgeıinde qamtamasyz etý de júkteldi. Sondaı-aq Aqsý ınvestısııalyq aımaǵyn, ınfraqurylym men agroónerkásip keshenin damytý, turǵyndardyń ózekti máselelerine der kezinde den qoıý mindetteldi.