Aqtaý qalasynyń Prımorskıı turǵyn úı massıvi mańynda eki kólik soqtyǵysyp, úsh adam jaraqat aldy, dep habarlaıdy Egemen.kz.
«Jol apaty 22 qarasha kúni boldy. Mańǵystaý oblystyq jedel medısınalyq kómek qyzmetiniń málimetinshe, apattan eki áıel men bir er adam jaraqat alǵan», dep jazylǵan habarlamada.
Apattan 1966 jyly týǵan áıel, 1988 jyly týǵan er adam, 1985 jyly týǵan áıel zardap shekti.
«Barlyq zardap shekkender túrli deńgeıdegi súıek syný jaraqattarymen Mańǵystaý oblystyq kópsalaly aýrýhanasyna jetkizildi. Qazirgi tańda oqıǵanyń sebepteri men mán-jaıy anyqtalyp jatyr», dep jazady basylym.