Vengrııanyń Býdapesht qalasynda ekinshi halyqaralyq Budapest Ballet Grand Prix baıqaýy ótti, baıqaýda Qazaq ulttyq horeografııa akademııasynyń stýdentteri jeńis tuǵyrynan kórindi, dep habarlaıdy Egemen.kz.
Budapest Ballet Grand Prix-ke álemniń 31 elinen jas bıshiler qatysty. Bul baıqaý qatysýshylarǵa álemdik sahnada óz sheberlikterin kórsetýge múmkindik berdi. Konkýrsta Torǵyn Leben birinshi orynǵa, Darıa Mıtrofanova ekinshi orynǵa ıe boldy, al Ádemi Janabil baıqaýdyń dıplomanty atandy. Baıqaý barysynda qatysýshylar «Pahıta», «Talısman», «Uıqydaǵy arý», «Korsar», «Don Kıhot» klassıkalyq baletterinen jarqyn varıasııalar kórsetti.
Baǵdarlama kásiptik bilim berý mektep-kolledjiniń basshysy, Akademııa pedagogy Svetlana Kokshınovanyń basshylyǵymen daıyndaldy.