«Qazposhta» KSRO halyq ártisi, Qazaqstan mádenıetiniń órkendeýine eleýli úles qosqan kórnekti opera ánshisi Bıbigúl Tólegenovanyń týǵanyna 95 jyl tolýyna oraı poshta markasyn shyǵardy. «Estelik jáne mereıtoılyq datalar» serııasyndaǵy marka – bes markadan turatyn poshta blogi. Marka 4 tústi boıaýmen ofsettik úlgide basyp shyǵarylǵan. 5000 danamen taralǵan markanyń nomınaly – 450 teńge.
Bıbigúl Tólegenova – sheber oryndaýshy ǵana emes, sonymen qatar tálimgerliktiń ozyq ádisterin meńgerýimen Qazaqstannyń mýzyka mádenıetiniń damýynda mańyzdy ról atqarǵan talantty pedagog. Ol álemniń eń tanymal sahnalarynda óner kórsetip, mádenıetterdiń jaqyndasýyna eńbek sińirdi, eliniń mádenı murasyna baǵa jetpes úles qosty.
«Qazposhta» kolleksııasy taǵy bir jarqyraǵan gaýhar – Bıbigúl Tólegenovanyń 95 jyldyǵyna arnalǵan mereıtoılyq markamen tolyqtyryldy. Biz Bıbigúl Ahmetqyzyna Dúnıejúzilik poshta odaǵynyń 150 jyldyǵyna arnalǵan markasyn bastyrý rásimine arnaıy qatysqany úshin alǵysymyzdy bildiremiz. Bul – biz úshin úlken mártebe. Ataýly marka – ol kisiniń otandyq mádenıetti, mýzykany, sahnalyq shyǵarmashylyqty damytýdaǵy mańyzdy róline qurmet», dep atap ótti «Qazposhta» AQ baspasóz qyzmeti.
Bıbigúl Tólegenovanyń shyǵarmashylyǵy tutas urpaqqa ónege bolyp, shabyttandyryp keledi. Ol – álemniń úzdik sahnalarynda óner kórsetip júrgen opera ártisteri men mýzykanttarynyń birneshe býynyn tárbıelegen jan.
ALMATY