PAVLODAR. 17 maýsym. Oblys ákimi Qanat Bozymbaev Medısına qyzmetkerleri kúnine oraı aýdan jáne qala aýrýhanalaryna kólikterdi tabys etti. Bul týraly egemen.kz tilshisi habarlady.
Ákim dárgerlerdi merekelerimen quttyqtady. Qazirgi kezde aýyldyq jerlerde medısına salasyn qoljetimdi ári sapaly etý barysnda turǵyndarǵa kórsetiletin jedel járdem qyzmetiniń sapasy aýyldyq jerde jaqsardy. 1-3 sanattaǵy shaqyrtý boıynsha jedel járdem brıgadasynyń jetý ýaqyty 9 mınýtqa deıin qysqardy.
Eldi mekenderdegi densaýlyq saqtaý salasynyń materıaldyq-tehnıkalyq bazasyn nyǵaıtý maqsatynda bıyl oblys bıýdjetinen 360 mıllıon teńge bólindi. Jol-kólik oqıǵasy kezinde kómek kórsetý úshin oblys boıynsha 23 tirek pýnkti qurylǵan. Endi jańa kólik alǵan aýrýhanalar sol aýmaqta bolatyn kólik apatyna jetip, alǵashqy kómek kórsete alady. Jańa jedel járdem qyzmetin kórsetý kólikteri satyp alýǵa 71 mıllıon teńge qarajat jumsaldy.
Farıda Byqaı.
Derek, sýret: egemen.kz