Taılandta ótip jatqan Azııa chempıonatynyń tórtinshi kúninde el namysyn qorǵaǵan Aıda Ábikeeva ózbek boksshysynan basym tústi, dep jazady Egemen.kz.
63 kelide sharshy alańǵa shyqqan bokstan Qazaqstan áıelder quramasynyń múshesi Aıda Ábikeeva Dılfýza Bekovany 4:1 esebimen jeńdi.
Endi otandasymyz 7 jeltoqsan kúni jartylaı fınalda Taıland ókilimen judyryqtasady.
Sondaı-aq búgin 66 kelide óner kórsetýi tıis bolǵan el boksshysy Mılana Safronova birden jartylaı fınalǵa joldama aldy. Osy salmaqta Taıland boksshysynyń jekpe-jekten bas tartýyna oraı Mılana Safronova 7 jeltoqsan kúni О́zbekstan-Taıland jubynyń jeńimpazymen qolǵap túıistiredi.
Buǵan deıin 54 kelide álem chempıony Mahmud Sabyrhan taıpeılik qarsylasyn 1 raýndta úsh ret nokdaýnǵa jiberip, aıqyn jeńiske jetkenin habarlaǵan edik.