Qazaqstannyń Ulttyq statıstıkalyq bıýrosy 1 qarashadaǵy jaǵdaı boıynsha Qazaqstandaǵy halyq sany týraly málimetterdi jarııalady, dep habarlaıdy Egemen.kz.
Ulttyq bıýro habarlaǵandaı, 1 qarashada Qazaqstan halqynyń sany 20 243 981 adamdy qurady. 1 qańtarmen salystyrǵanda qazaqstandyqtardyń sany 210 139 adamǵa ósti.
Halyq sanynyń ósýi Qazaqstan qalalarynda da baıqaldy. Almaty 1 qarashadaǵy jaǵdaı boıynsha 2 280 296 adam turatyn (jyl basynda 2 228 675) halyq eń tyǵyz ornalasqan qala bolyp qala beredi. Odan keıin Astana – 1 511 807 (jyl basynda 1 430 105 turǵyn) jáne Shymkent – 1 249 581 (1 222 066 turǵyn) tur.
Túrkistan (1 qarashadaǵy jaǵdaı boıynsha 2 154 461 adam), Almaty (1 554 695 adam), Jambyl (1 222 835 adam) jáne Qaraǵandy (1 134 132 adam) oblystarynda mıllıonnan astam adam turady.
1 qarashadaǵy jaǵdaı boıynsha 12 727 404 qazaqstandyq qalalarda turady. 7 516 577 adam aýyl turǵyndary.