«QazMunaıGaz» ulttyq kompanııasy «О́zenmunaıgaz» AQ burǵylaý basqarmasy jumysshylarynyń kásipodaq uıymymen kezekti kelissózder júrgizdi, dep habarlaıdy Egemen.kz vedomstvonyń baspasóz qyzmetine silteme jasap.
Kelissózder nátıjesinde kelesi sheshimderge qol jetkizilgen:
Ruqsatsyz aksııa toqtatyldy; О́MG Burǵylaý jumystary basqarmasynyń jumysshylary jumys oryndaryna tolyq oraldy; Túsindirý men talqylaýdy talap etetin máseleler bitimgerlik komıssııa otyrysynda zańǵa sáıkes quqyqtyq normalar sheńberinde qaralatyn bolady.«QR zańnamasyna sáıkes eńbek qatynastary úshinshi tulǵalardyń aralasýynsyz syndarly dıalog negizinde tikeleı jumys berýshi men jumysshylar arasynda rettelýi tıis ekenin habarlaımyz. QazMunaıGaz dıalogqa árdaıym ashyq jáne týyndaǵan máselelerdi qoldanystaǵy zańnyń aıasynda sheshý úshin ózara tıimdi baılanys ornatýǵa daıyn», delingen habarlamada.
Esterińizge sala keteıik, «О́zenmunaıgazǵa» qarasty «Burǵylaý jumystary basqarmasy» kompanııasynyń jumysshylary ereýilge shyǵyp, basshylyqqa bes túrli talap qoıǵan edi:
О́MG zeınetkerleri men densaýlyǵynan aıyrylǵan munaıshylardyń balalaryn tikeleı shtatqa alý; Jańaózen qalasynda jumyssyzdyq máselesin sheshý; Ujymdyq shartta 2013 deıin bolǵan derbes eńbekaqy tóleý júıesin qaıtarý; Mashınıster men operatorlardyń dárejesin kóterý; 30% qosymsha jalaqy tártibin tóleýdi ujymdyq shartqa engizý.