Bıyl oblystyq máslıhattyń qurylǵanyna – 30 jyl. Halyqpen qatar jasap kele jatqan jergilikti atqarýshy bıliktiń osy kúnge deıin istegen jumysy kól-kósir. Osyǵan oraı Taldyqorǵanda úlken shara ótip, halyq qalaýlylary bir shańyraq astynda bas qosty.
Áýeli qoǵam aldynda júrgen el azamattary máslıhattyń 30 jyldyǵyna oraı 30 túp aǵash otyrǵyzdy. Odan keıin Taldyqorǵan qalasyndaǵy Saltanat saraıynda ótken konferensııa Jetisý oblysy máslıhatynyń tarıhy týraly beınefılmmen bastaý aldy. Onda Táýelsizdik jylynda qalyptasqan máslıhattyń tarıhı orny men mańyzy, mazmundy jumystary men ár jyldary máslıhat hatshysy, tóraǵasy bolǵan tulǵalardyń pikiri, ózderi atqarǵan is pen el úshin jasaǵan eńbekteri baıandaldy.
Jıynnyń alǵashqy sózin alǵan oblys ákiminiń mindetin atqarýshy Álibek Jaqanbaev kópshilikti mereıli sátpen quttyqtap, oblystaǵy atqarylǵan isterge, aımaq ekonomıkasy men ál-aýqaty jaıly baıandady.
Sonymen qatar Álibek Áskerbekuly, Jomartqalı Baıasyluly, Ermek Ábilmájinuly men oblystyq máslıhattyń tóraǵasy Gúlnar Toılybaeva «Qazaqstan Respýblıkasy máslıhattarynyń qurylǵanyna 30 jyl» tolýyna arnalǵan kitaptyń tusaýkesý rásimin atqardy.
Tarıh pen tanym sabaqtasqan shara barysynda ardager depýtattar men máslıhat depýtattary marapattaldy. Atap aıtqanda, Ermek Kelemseıit QR Eńbek jáne halyqty áleýmettik qorǵaý mınıstrliginiń «Eńbek ardageri» medalimen, Rımma Salyqova QR О́nerkásip jáne qurylys mınıstrliginiń «Eńbek ardageri» medalimen marapattalsa, Rýslan Valıshanov «Qurmetti qurylysshy» tósbelgisin óńirine taqty. Al, Sekenbaı Shengelbaev pen Qambarbek Saıranbekov «Aýyl sharýashylyǵy salasynyń úzdigi» tósbelgisimen, Arystanǵalı Aryn, Ermek Eginbaev, Qanat Satanov oblys ákiminiń Qurmet gramotasymen, Beket Blasov oblys ákiminiń Alǵys hatymen mereılendi.
О́z kezeginde Jetisý oblystyq máslıhatynyń tóraǵasy Gúlnar Toılybaeva, Qazaqstan Respýblıkasy Parlamenti Senatynyń depýtaty Sultan Dúısembınov, «Memlekettik jáne jergilikti basqarý ınstıtýty» kommersııalyq emes bilim beretin mekeme rektory Ábiken Toqtybekov, ardager depýtat Ermek Kelemseıit sóz alyp, máslıhattyń 30 jyldyǵymen kópshilikti quttyqtady.
О́ńirdiń áleýmettik-ekonomıkalyq damýyna qosqan úlesi úshin belsendi depýtattar men memlekettik qyzmetshilerdi Qazaqstan Respýblıkasy Parlamenti Senatynyń tóraǵasy Máýlen Áshimbaevtiń Qurmet gramotasy, Alǵys hattarymen QR Respýblıkasy Parlamenti Senatynyń depýtaty Sultan Myrzabekuly marapattady.