MÁMS-tiń medısınalyq uıymdarǵa qoıar talaby

Bul jóninde Áleýmettik medısınalyq saqtandyrý qory basqarma tóraǵasynyń orynbasary Svetlana Ponomareva tarqatyp aıtty.

«Endi Áleýmettik medısına­lyq saq­tandyrý qory bes jyl boıy «Stasıonar jaǵ­da­ıyn­da maman­dan­dyrylǵan medısınalyq kómek» túri boıynsha úzdiksiz qyzmet kór­setýde tájirıbesi bar jet­kizý­shilermen uzaqmerzimdi kelisimshart jasasady. Ol úshin jetkizýshilerdiń densaýlyq saqtaý salasyndaǵy joǵary nemese birinshi sanatty akkredıtasııa kýáligi bolýǵa tıis. Sonymen qatar bankrottyq nemese taratylý prosedýrasyna qatysy bolmaǵany jón», dep túsindirdi S.Ponomareva.

Iаǵnı budan bylaı medısı­nalyq qyzmetter kólemin bólý kezinde uzaqmerzimdi keli­simshart jasalatyn sýbek­tilerge basymdyq berile­di. Den­saýlyq saqtaý sýbektisi ótinim beretin medısınalyq kómek túrleri nemese sharttary boıynsha derekter bazasyn jyl saıyn jańartar kezde Áleýmettik medısınalyq saq­tandyrý qory olardyń óndiris­tik bazalaryn tekseredi.

Sonymen qatar densaýlyq saqtaý sýbektilerin kómek túrleri boıynsha kólemderdi orna­lastyrý rásimine kó­shirý­ge qatysty ózgerister engizil­di. Bul qatarda qan ortalyq­tarynyń qyzmetterin kórse­tý, jedel medısınalyq kómek, sanıtarlyq avıasııa qyz­met­terin kórsetý, AITV juqtyrǵandarǵa áleýmettik-medı­sınalyq kómek kórsetý, týberkýlezben aýyratyn naý­qastarǵa áleýmettik-me­dısı­nalyq kómek kórsetý, psıhı­kalyq buzylystary bar adamdarǵa áleýmettik-medı­sınalyq kómek kórsetý qyzmetteri bar. Qor basshy­lyǵy jańa sýbektilerdi, jańa medısınalyq kómek túr­leri boıynsha ótinim bergen­derdi sapaly irikteý maqsa­tynda aımaqtyq komıssııa músheleriniń medısınalyq uıymdardy aralaıtynyn atap ótti. Medısınalyq kómekti satyp alý rásimderin retteıtin ózgeristerdiń ishinde aımaqtyq, respýblıkalyq komıssııa múshe­­lerine qoıylatyn bilik­tilik talaptary da qaras­ty­ryl­ǵan.