Ilııas Esenberlın atyndaǵy aýdandyq ortalyq kitaphananyń rýhanı qundylyqtar shýaǵyn shashqanyna 100 jyl tolyp otyr. Osynaý bilim ordasyna aty berilgen daraboz jazýshynyń bıyl ǵasyr toıyn atap ótetinimiz Atbasardaǵy oqıǵanyń tanymdyq salmaǵyn eseleı túsýde.
Atbasar ýezindegi oqý dúńgirshegi 1914 jyly ashylǵan bolatyn. Onyń bastapqy kitap qory orys tilindegi 950 jáne musylman ádebıetindegi 120 dana kitaptan turdy. Ýaqyt ozǵan saıyn kitaphananyń materıaldyq-tehnıkalyq bazasy nyǵaıyp, mártebesi de ózgerip otyrdy. Munda mekemeni ár jyldary basqarǵan Vera Dýdkova, Nadejda Lıýbashenko, Nına Kraves, Frıda Pınneker, Rashıda Jýrkanova, Oktıabrına Paktyń uıymdastyrýshylyq eńbegi orasan.
Mekeme 1986 jyly jalpy aýmaǵy 2047 sharshy metrlik jańa ǵımaratqa kóshirildi. Ol aýdandaǵy aǵartý, ǵylymı kópshilik, mádenı sharalardyń ordasyna aınaldy. Búgingi kúni kitaphana 43 ataýdaǵy merzimdi basylymdardy jazdyryp alady. Munda onnan astam múddeler boıynsha klýb jumys isteıdi. Bilim oshaǵynyń ınternet jelisine qosylýy qyzmet órisin keńeıtip otyr. Sondaı-aq, kitaphana qyzmetkerleri Atbasar qalasy men Oktıabr jáne Marınovka aýyldaryndaǵy qýyrshaq teatrlarynyń ashylýyna uıytqy boldy.
Aýdandyq mádenıet úıindegi saltanatqa jınalǵan qaýym alǵashqy kitaphanashy Ǵazız Omarovtyń, Qazaq KSR qurmetti kitaphanashysy Erkin Ǵapbasovtyń, Atbasar aýdanynyń Qurmetti azamaty Klara Ámirovanyń, tarıhı-ólketaný murajaıynyń negizin qalaýshy Borıs Maevskııdiń jáne basqa aıtýly azamattardyń ónegeli eńbek jolynan maǵlumat aldy. Eńbek maıtalmandaryna syı-saýǵalar jasaldy.
Baqbergen AMALBEK,
«Egemen Qazaqstan».
Aqmola oblysy,
Atbasar aýdany.
Sýrette: kitaphana ujymy.