Táýelsizdik kúni qarsańynda elordada «Amanat» partııasy uıymdastyrǵan dástúrli «Uly dala» respýblıkalyq shyǵarmashylyq baıqaýy qorytyndylandy. Bıyl ádebı saıys jazýshy, qazaq balalar ádebıetiniń klassıgi Berdibek Soqpaqbaevtyń 100 jyldyǵyna arnaldy.
О́z sózinde Májilis spıkeri, «Amanat» partııasynyń tóraǵasy Erlan Qoshanov Memleket basshysy Qasym-Jomart Toqaev ulttyq mádenıet pen ádebıetke erekshe nazar aýdaratynyn atap ótti. Máselen, byltyr Prezıdent «Qazaqstannyń halyq jazýshysy» ataǵyn qaıtardy, sondaı-aq onyń bastamasymen kelesi jyldan bastap 23 sáýir Ulttyq kitap kúni retinde atalyp ótiledi.
– «Amanat» partııasy uıymdastyrǵan «Uly dala» baıqaýy Memleket basshysynyń ulttyq ádebıetke júıeli qoldaý kórsetý jónindegi saıasatynyń jalǵasy sanalady. Bizdiń baıqaýymyz otandyq talanttardyń damýyna túrtki boldy. Bıylǵy baıqaý balalar ádebıetiniń klassıgi Berdibek Soqpaqbaevtyń 100 jyldyǵy aıasynda ótkizildi. Memleket basshysynyń qoldaýymen jyl boıy elimizde aýqymdy is-sharalar ótti. Jazýshynyń týǵan jerinde eńseli eskertkishi ashyldy. Parıjdegi IýNESKO-nyń shtab-páterinde Berdibek Soqpaqbaevtyń 100 jyldyǵyna arnalǵan konferensııa ótti, – dedi partııa tóraǵasy.
E.Qoshanov «Amanat» partııasy jas talanttardy, qarymdy qalamgerlerdi udaıy qoldaıtynyna basa nazar aýdardy.
– Bárimizdiń oıymyz da, maqsatymyz da bir. Bul – elge qyzmet etý, memleketimizdiń bolashaǵy úshin aıanbaı ter tógý. Al memlekettiń múddesi jolynda adal qyzmet etip, eldiń rýhyn kóterip júrgen tulǵa, ol – bizdiń Prezıdentimiz Qasym-Jomart Toqaev. Baıqasańyzdar, Memleket basshysy osy rýh degen sózdi jıi aıtady. Ádildik, adaldyq, otansúıgishtik, eńbekqorlyq, onyń ishinde adal eńbek sııaqty qundylyqtarǵa erekshe mán beredi. О́ıtkeni bul qundylyqtar eldiń rýhyn kóteredi. Sizderdiń shyǵarmalaryńyzǵa da osy qasıetter, qundylyqtar, eldegi oń ózgerister arqaý bolýǵa tıis dep oılaımyn, – dedi Májilis tóraǵasy.
«Uly dala» baıqaýy besinshi márte ótkizilip, osy ýaqyt aralyǵynda ıgi dástúrge aınaldy. Bıyl baıqaýǵa qatysýshylardan kelip túsken shyǵarmalardy irikteý jumysy 1 tamyzdan 30 qazanǵa deıin júrgizilip, aqtyq synǵa 150 shyǵarma irikteldi. Onyń barlyǵy aikyn.kz saıtynda arnaıy «Uly dala baıqaýy» aıdarymen ornalastyryldy.
«Poezııa» atalymynda birinshi oryndy aqyn, adebiportal.kz jetekshisi Yqylas Ojaıuly ıelendi. Ekinshi oryndy aqyn, jýrnalıst Muhtar Kúmisbek, úshinshi oryndy aqyn, jýrnalıst Islam Qabýluly aldy.
«Proza» atalymy boıynsha jazýshy, pedagog Gúljan Qanatqyzy úzdik dep tanyldy. Ekinshi oryndy jazýshy, muǵalim Ramazan Jetkizgenuly, al úshinshi oryndy jazýshy Toqtaráli Tańjaryq ıelendi.
«Balalarǵa arnalǵan shyǵarma» atalymynda Serikjan Nurbaqytuly jeńimpaz atandy. Ekinshi oryn jazýshy Aınur Omarovaǵa, úshinshi oryn aqyn ári teatrtanýshy Ábil Nurıslamǵa buıyrdy.
«Dramatýrgııa» atalymynda birinshi oryndy dramatýrg Qolǵanat Murat, ekinshi oryndy jazýshy Rahat Álisher, úshinshi oryndy aqyn Aqjan Amanjol ıelendi.
«Ádebı syn» atalymynda Aqerke Asan jeńimpaz atandy. Ekinshi oryndy aqyn, synshy Tileýbek Batys, úshinshi oryndy Arman Ádilbek ıelendi.
Sonymen qatar Ilııas Jansúgirov, Sáken Seıfýllın jáne Beıimbet Maılınniń týǵanyna 130 jyl tolýyna oraı taǵaıyndalǵan «Úsh báıterek» arnaıy júldesi aqyn Almas Temirbaıǵa tabystaldy. Jazýshy ári aýdarmashy Jadyra Shamuratova «Alash amanaty» arnaıy syılyǵyn ıelendi. Al Berdibek Soqpaqbaevtyń 100 jyldyǵyna arnalǵan arnaıy syılyq aqyn, ádebıettanýshy Altynbek Mersadyqqa buıyrdy.
Aıta keteıik, baıqaý aıasynda Berdibek Soqpaqbaevqa arnalǵan kórme uıymdastyryldy. M.Tynyshpaev atyndaǵy tarıhı-ólketaný murajaıynyń qyzmetkerleri Astanaǵa balalar ádebıeti klassıgi shyǵarmalarynyń alǵashqy basylymdaryn, qujattary men jeke zattaryn ákeldi.