Qazaq KSR-niń halyq ártisi, Qazaqstannyń eńbek eri, Qazaqstan Respýblıkasynyń eńbek sińirgen ártisi Roza Rymbaevaǵa «Abaı oblysynyń qurmetti azamaty» ataǵy berildi, dep habarlaıdy Egemen.kz.
О́ńir ákimdiginiń málimetinshe, bul ataq aıryqsha belgi men erekshe maǵynaǵa ıe. Ondaǵy aq tús tazalyqty, ádildikti jáne sheksizdikti kórsetedi. Kók - beıbitshiliktiń, tynyshtyq pen jaqsylyqtyń sımvoly. Altyn tús baılyq pen ulylyqty bildiredi.
Belginiń ortasynda jeti qyrymen qorshalǵan Abaı oblysynyń kontýry beınelengen, olardyń árqaısysy onyń damýynyń negizgi baǵyttaryn: mádenıet, óner, bilim, ǵylym, óndiris, ınnovasııa jáne basqa da salalardy beıneleıdi.
Roza Rymbaevamen qosa bul ataq taǵy birneshe adamǵa tabystaldy:
«Vestnık», «Adam. Energııa. Atom» jýrnaldardyń bas redaktory jáne QR Ulttyq ıadrolyq ortalyǵynyń tóraǵasy Erlan Ǵadletuly Batyrbekov; Fılologııa ǵylymdarynyń doktory, professor, «Qazaq SSR Halyq aǵartý isiniń úzdigi», «Qazaqstan Respýblıkasynyń Bilim berý isiniń qurmetti qyzmetkeri», QR Eńbek sińirgen qaıratkeri Arap Slámuly Espenbetov; Samruk-Kazyna Construction AQ Dırektorlar keńesiniń múshesi Aleksandr Aleksandrovıch Mılıýtın; «Zaıtenov» sharýa qojalyǵynyń basshysy Erlan Ámirbekuly Zaıtenov.