Astana qalasyndaǵy № 86 mektep-gımnazııanyń 2-synyp oqýshysy Ábdiqaıym Muhammedǵalı shahmattan Taılandta ótken Azııa chempıonatynda top jaryp, altyn medalǵa ıe boldy.
Elordalyq oqýshy buǵan deıin shahmat oıynynan ótken «Akbulak Open-2023» halyqaralyq týrnırinde baq synap, úsh márte kúmis júldeger atanǵan edi. Túrli álem chempıonatyna da qatysqan.
Eń úlken muzaıdyn
Jaqynda ǵana Sankt-Peterborda ashylǵan muzaıdyn Reseıdiń rekordtar kitabyna endi.
28 myń sharshy metr aýmaqty alyp jatqan keshenge 2 jarym myń adam syıady. Ereksheligi, munda qarapaıym adamdardan bólek kásibı sportshylar da keledi. Balalar úıiniń tárbıelenýshileri men az qamtylǵan otbasynyń ókilderi aqysyz kiredi. Stýdentterdi de qamtyǵan baǵdarlamalar bar.
Robot baqtashy
Aýstralııada sıyrdy «SwagBot» dep atalatyn robot baǵady. Ony Sıdneı ýnıversıtetiniń ǵalymdary 2016 jyly jasap shyǵarǵan. Biraq jalpyǵa alǵash ret usynylyp otyr.
Tórt aıaqty qurylǵynyń jumysy jasandy ıntellektige negizdelgen. «Sıyrlar da bilip alǵan. Robot qaıda barsa, olar da ilesip sonda barady. Sensorlary arqyly topyraqtyń, shóptiń quramyn, qunary men jalpy sapasyn anyqtaıdy. Sóıtip, shuraıly jerdi dál tabady», deıdi Sıdneı ýnıversıteti robottehnıka jáne zııatkerlik júıeler professory Salah Sýkkarıe.