Astana qalasynyń qylmystyq ister jónindegi aýdanaralyq soty «QazAvtoJol» UK» AQ-nyń burynǵy tóraǵasy men bas merdigerge qatysty «Jaqsy-Esil-Býzýlýk» avtojolyn kúrdeli jóndeýge, sonyń ishinde Esil ózeni arqyly ótetin kópirdi salýǵa bólingen 200 mln teńge kóleminde memleket qarajatyn jymqyrǵany úshin úkim shyǵardy, dep habarlaıdy Egemen.kz Bas prokýratýranyń baspasóz qyzmetine silteme jasap.
Kelisimsharttyń buzýshylyqtarmen jasalǵandyǵy jáne berilgen avanstyń ysyrap etilgendigi dáleldengen. Joba boıynsha jumys bastalmaǵan.
«Sottalýshylar 8 jylǵa bas bostandyǵynan aıyryldy. Sonymen qatar sot memleketke keltirilgen zalaldy óndirip aldy», delingen habarlamada.
Sot úkimi zańdy kúshine engen joq.