Aqmola oblysynda avtomobıl joldaryn salý jáne jóndeý monıtorıngi barysynda josparlanbaǵan jumystardy qosý esebinen smetany asyra baǵalaý faktileri anyqtaldy, dep habarlaıdy Egemen.kz Antıkorǵa silteme jasap.
Máselen, 2022 jyly Arshaly aýdanynyń «Babataı-Volgodonovka-Bereke-Bulaqsaı» ýchaskesin salýǵa jergilikti bıýdjetten 4,4 mlrd teńge bólingen.
2023 jyly ketken qarajattardy saralaý kezinde shyǵyndarǵa ýaqytsha aınalma joldy uıymdastyrýǵa ketetin shyǵyndar kirgen. Bul rette osy jol jumystarynyń baǵasy negizsiz 764 mln teńgege ulǵaıǵan.
Taldaý qorytyndysy boıynsha, Aqmola oblysynyń ákimdigi jobanyń baǵasyn qaıta qarady. Únemdeý esebinen paıda bolǵan qarajatqa Selınograd aýdanynyń Qoıandy aýylynda sý tasqyny kezeńinde erigen sýlardyń qaýipsiz ótýi úshin sý burý arnasy salyndy.