Qaraǵandy qalasyndaǵy Serik Sápıev atyndaǵy Boksty damytý ortalyǵynda eresekter arasynda el birinshiligi bastaldy. Erler men áıelder arasyndaǵy dodaǵa 400-den astam boksshy qatyspaq. Ulttyq quramanyń bas bapkeri Qaırat Sátjanov Taılandta ótken Azııa chempıonatynda olja salǵan boksshylar el birinshiliginen bosatylatynyn aıtty. Degenmen de ishki chempıonattyń bási joǵary bolmaq. Sebebi álem chempıony Temirtas Júsipov syndy saqa boksshylar qatysatyn dodada jastar da baǵyn synamaq. Atap aıtqanda, jastar arasynda álem chempıony atanǵan Tórehan Sabyrhan syndy sańlaqtar rıngke shyǵady. Chempıonat 24 jeltoqsanda máresine jetedi.