Májiliste ótken Úkimet saǵatynda Sıfrlyq damý, ınnovasııalar jáne aeroǵarysh ónerkásibi vıse-mınıstri Rostıslav Konıashkın 2025 jyldyń basynda poıyzdarda pılottyq rejımde ınternet paıda bolatynyn aıtty, dep habarlaıdy Egemen.kz.
Onyń aıtýynsha, ótken jyly respýblıkalyq joldar boıynda taldaý júrgizilgen.
«Taldaý negizinde biz antenna-dińgek qurylystaryn qosymsha ornatý qajet bolatyn 243 núkteni anyqtadyq. Qazir ákimdikter jobalaý-smetalyq qujattamany ázirlep jatyr. 80-ge jýyǵy iske asty. 2025 jyly respýblıkalyq mańyzy bar joldardaǵy «aqaýlar» joıylady. Sondaı-aq jergilikti deńgeıdegi joldardy taldaý jumystary bastaldy, onyń nátıjeleri eskerilip, aldaǵy ýaqytta josparǵa engiziledi», dep tolyqtyrdy Konıashkın.
Onyń aıtýynsha, temirjol poıyzdarynda ınternettiń sapaly jumys isteýi úshin ártúrli tehnologııalarǵa taldaý jasaldy.