Atyraý oblysynyń ishki ister salasynda jumys isteıtin qyz-kelinshekter az emes. Olardyń arasynda qyzmetimen birge sportta da jetistikke jetken arýlar bar. Sonyń biri – Aıda Haırýllına.
Qoǵamdyq tártiptiń saqtalýyna úles qosyp júrgen arý sporttyń birneshe túrimen aınalysady. Bıyl qyrkúıekte qoıan-qoltyq urystan Bishkekte ótken Azııa chempıonatynda qarsylastarynyń bárin qapy qaldyryp, birinshi júldeni oljalady. Álem kýbogin eki ret ıelengen.
О́tken aptada Indonezııanyń astanasy – Djakartada eresekter arasyndaǵy «Gamma World MMA Championship – 2024» álem chempıonatynda baq synady. Dúbirli dodaǵa álemniń 66 elinen 920 sportshy qatysty. Kil myqtylardyń saıysynda atyraýlyq polıseı 72,6 kg salmaqta el namysyn qorǵady. Aldymen Kambodja, Aýstralııa eliniń sportshylarymen kúsh synasyp, sheberligi men fızıkalyq daıyndyǵynyń joǵary ekenin dáleldedi. Fınalda Mysyr eliniń sportshysyn aıqyn basymdyqpen utty.
«Bizdiń qyzmet jaýapkershilikti, tabandylyqty talap etedi. Mindetimizdi adal atqarýmen birge sporttyq sheberligimizdi shyńdaýǵa da ýaqyt tabamyz. Jumysta, sportta jetistikke jetýime áriptesterim men jattyqtyrýshylarym, otbasym qoldaý kórsetti. Aldaǵy ýaqytta da elimizdiń abyroıyn asqaqtatýǵa kúsh-jigerimdi sala beremin», deıdi A.Haırýllına.
Atyraý oblysy