Eńbek úderisine – erekshe qamqorlyq

Bul keshenniń qurylysy «Qazaqstan – Qytaı» munaı qubyry ónimdiligin arttyrý baǵ­darlamasynyń «Keńqııaq – Atyraý» munaı qubyry re­ver­si jobasy aıasynda júze­ge asyryldy.

«Aman» munaı aıdaý stansasyndaǵy III (úshinshi) iske qosý kesheninde óndi­ris­tik emes obektiler de ornalasqan. Olardyń ishin­de ákimshilik ǵımarat, 74 oryn­dyq jataq­hana, ashana jáne sport alańy bar. Bul nysandar vahtalyq ádispen jumys isteıtin ju­mys­shylarǵa qolaıly jaǵdaı jasaý úshin berildi.

Oǵan qosa «QazTransOıl» AQ Pavlodar munaı qubyry basqarmasynyń «Ekibastuz» munaı aıdaý stansasynda zamanaýı servıstik-turmystyq keshenniń qurylysyn aıaqta­dy. Jańa keshende ashana, ınjenerlik-tehnıkalyq qyz­­metkerlerge arnalǵan keń­­se bólmesi, 35 oryndyq akt zaly jáne demalys bólmesi bar. Barlyq nysan jıhaz­­dar­men jáne tehnıkamen jab­dyq­talǵan.

Sonymen qatar «Qaz­­Trans­Oıl» AQ Aqtóbe munaı qubyry basqarma­synyń «Álibekmola» bas munaı aıdaý stan­sasynda 64 oryndyq úsh qabatty jataqhananyń kúr­deli jón­deý jumystary aıaq­ta­lý­da. Ǵımaratty 2024 jyl­dyń jeltoqsan aıynyń sońy­na deıin paıdalanýǵa berý jos­parlanǵan.

Bul – bastamalardyń júze­ge asýy «QazTransOıl» AQ óz jumyskerlerine qolaı­ly jaǵdaı jasap, áleý­mettik ınfra­qurylymdy jaq­sar­týǵa basty nazar aýdara­tynynyń dáleli. Kompanııa jumyskerleriniń ómir súrý sapasyna erekshe nazar aýdara otyryp, kómirsýtegi resýrs­tardy senimdi jáne tıimdi tasymaldaýdy qamtamasyz etý úshin nysandaryn jańar­týdy jalǵastyryp jatyr.